係民宿食完早餐之後就坐接駁車上青青草原
民宿每日只有一班免費接駁車
9點鐘準時出發
坐唔到就要坐南投客運或者行上去
坐車上去就大約10分鐘...行上去就...哈哈哈
去到青青草原第一件事就係買飛
入場之後就打手印
打左手印先可以去另一邊架
之後就比D職員叫我地行快D話有show睇
下...今日係閒日喎有咩show睇
原來今日有團大陸既包團黎左所以加開綿羊show
其實上清境既時候司機就同我地講綿羊show只係將d羊剃哂d羊毛
岩d細路睇大人會覺得唔好睇
我地睇完綿羊show就只有一個諗法
就係好!殘!忍!
即係咁，其實成個Show除左係粗暴捉住隻羊剃佢d毛
就係夾硬要隻羊做d動作氹下d觀眾笑
真係唔睇好過睇-v-"
睇睇下show有一隻羊自己行左出黎
原來羊仔d叫聲好似老牛...哈哈!!
跟住仲有一隊羊軍隊出黎遊行
...嚇死我...
睇完綿羊show之後就周圍行
d羊仔好醒目你無羊仙貝佢係唔彩你架哈哈
行左一陣就已經無哂羊仔睇
我地就行樓梯落返山
由於隻腳只係岩岩好返...痛死!!!
行到去法國小鎮兩條友就衝左去買野飲
再行多陣就見到d小商店
咦?!又有夾公仔機喎...又衝左入去
當然就係無收獲而回啦...哈哈
行多唔知幾耐就去到小瑞士花園
尋晚係紙箱王食完野有兩張飛可以免費入去
入到去一眼就睇哂..........
由於又曬又熱腳又痛既情況下
我地只係留左一陣就返民宿休息了
No comments:
Post a Comment