台北4日3夜快閃團Day 1.1 西門町 + 極速夜遊淡水 + 士林夜市

食完熊一之後就去左[富發牌]買鞋

林先生話唔買住但最後又坐低左試鞋

我又跟佢一齊試鞋

結果行埋塊鏡度睇下對鞋著上腳好唔好睇既時候

比人彈出黎嚇親我

仲搞到我叫左出黎鬼死咁尷尬

原本以為唔會再見到既人咁都會撞得返

好神奇

買完鞋之後就返去拎房

上房HEA左一陣就出去極速夜遊淡水

坐左大約一小時捷運終於去到

點知落大雨

結果咩相都無影過買埋黑糖薑茶就走了

走既時候係捷運站影左張相

好靚好鍾意

之後就坐返車去士林

其實原本唔係想去士林架

不過落大雨去士林會比較好(因為是室內的)

去到士林，同以前唔同哂喇

玩左一陣掟波波終於出發去找食物

食左個我好掛住既棺材板

好味:)

之後就買左一口蟹返酒店食

有個港女今朝望到有檔[老蔡水煎包]又話要試

結果我地就買埋芒果返酒店開餐

水煎包就一人一個

仲有一杯豆漿

哈哈哈，好瘋狂呀

-狂食之旅DAY 1完-